العيشة .. !!

فى دنيا غير الدنيا .. و عالم غير العالم .. و زمن غير الزمن .. ممكن هقابل ناس غبر الناس .. و اشوف وشوش غير الوشوش .. و اقول كلام غير الكلام .. و اعيش احساس غير الاحساس ..

قاعد فوق سقف عالى بعيد .. من غير سور .. على كرسى خشب .. رجل على رجل .. فى ايدى كوباية شاى سخنة ولعة فى ساعة مغربية .. برد يتكتك .. هوا يرزع فى جسمى .. الكرسى يقشعر .. مفيش قدامى غير أخضر .. أخضر كتير .. 
 
.. يمكن دة الكون الموازى ..

وسط الأخضر .. بنت صغيرة بتجرى .. ضفاير تطير .. معرفش بتقرب ولا بتهرب .. مش شايف .. بس فرحانة .. و انا فرحان .. عشانها فرحانة .. يمكن .. او عشان الأخضر بقى كتير .. يمكن .. أو عشان عالى بعيد .. يمكن .. بس فرحان .. دة المهم 
 
و عشانها دنيا غير الدنيا .. ندهتلها سمعتنى .. و عشانها وشوش غير الوشوش .. ضحكتلى و سمعتلى .. و عشانه كلام غير الكلام .. تانى ضحكتلى .. مسكت ايدى .. شدتنى .. و عشانه احساس غير الاحساس .. دفتنى ..
 
و بصوت هادى قالتلى .. اضحكلكها هتضحكلك و قربلها تقربلك و اسمعلها تسمعلك .. ارجع دنيتك يا ابن الانس و عيشها .. شوف مرها حلو و عيشها .. ملحها سكر و عيشها .. بس ارجعلها .. دنيتنا مش دنيتك .. دنيتنا سواد .. الأخضر مش أخضر .. و انا مش أنا .. مش بجرى ولا فرحانة .. عينك شايفانا زى ما نفسك تشوف دنيك .. أخضر و فرحة .. لو شوفت دنياك زى ما انت شايف دنيانا .. هتعيش ..

مشت بعيد .. بعيد .. لفتلى و قالتلى .. اشرب و قوم .. شايك برد .. !!

كوباية الشاى طلعت تلج .. و السقف مش عالى و بعيد .. و الأخضر بان باهت غريب .. و المغربية قلبت ليل حزين .. اسود بلون الموت .. و الصدر ضاق .. و النفس راح .. و الحلم ضاع .. و الدنيا مش الدنيا .. و العالم مش العالم .. و الزمن مش الزمن .. و البنت مش البنت .. و الوشوش مش الوشوش .. اصلها مش دنيتى .. مش سكتى .. حتى لو شفتها اخضر .. او اسود او ازرق او احمر .. مش دنيتى .. !!
 
دنيتى مبرسمهاش على كيفى .. مبلونهاش بلونى .. دنيتى مرسومالى من اللى خالقها .. ماختارتش فيها حاجة حتى لونها .. دنيتى انا ضيف فيها .. جاى زاير خفيف و ماشى .. مش هاطول .. هاخد دورى .. و ارحل .. بس قبل ما ارحل .. هاعيش .. بحلوها بمرها هاعيش .. بخضارها بسوادها هاعيش .. مش هاهرب منها تانى لسقف عالى و بعيد .. هاعيش فى نفس العالم .. فى نفس الدنيا .. نفس الزمن .. نفس الوشوش .. بس باحساس جديد .. احساس من عالم تانى قابلتها فيه فوقتنى من وهمى و خيالى على حقيقة محيرانى .. حقيقة .. انا اللى عايشها ولا هى اللى عايشانى .. ولا دة حلم فانى .. !!

الشاى برد .. !!

Read More

دم .. !!

زمان قلنا هنعصر على نفسنا الف لمونة .. و ننسى خيانتهم و ننسى انهم باعونا فى الميدان بدل المرة عشرة .. و هننسى انهم تجار دين .. و زيت و سكر .. و هندوس على نفسنا بأوسخ جزمة .. و نختار الاستبن .. مرسى .. مرشح الاخوان لرئاسة الجمهورية .. قصدى المرشح الثانى .. الاحتياطى .. الاستبن .. اصل اللى بيننا و بين شفيق دم .. !!

دم ناس ماتت فى الميدان .. شفت جثثهم بعنيا .. مش فى ورقة جورنال ولا صورة على النت .. ناس وقفت وسطها فى يوم من الأيام .. ناس حلمت بمصر جديدة نضيفة .. مصر الحرية و الكرامة .. ناس راحت تهتف ضد مبارك و اسقطته .. ناس اتصابت و ماتت فى محمد محمود .. و اتسحلت فى القصر العينى .. و اتدهست قدام ماسبيرو تحت دبابات العسكر .. و اسقطت العسكر .. ناس عصرت على نفسها الف لمونة و لمونة و انتخبت الاستبن .. ناس حاربت عشان تجيبله صلاحياته من بق طنطاوى و عنان .. ناس نزلت تانى التحرير عشان غباء مرسى صورله انه ممكن يستغل الصلاحيات اللى هما جابوهاله بصورة تخدم جماعته و اهله و عشيرته .. نفس الناس نزلت قدام الاتحادية تعترض بسلمية .. ماتت على ايد ميليشياشت بديع و مرسى .. و بقى بيننا و بينهم دم .. نفس الدم .. !!

كتير بنقول اشتريكى بايه و ارخص ما فيكى دمى .. دلوقتى بقينا نقول اشتريكى ليه و ارخص ما فيكى دمى .. !!

بس دمنا المرة دى .. مر .. علقم .. اصلهم ماتوا غدر .. خيانة .. و بايد مين .. بايد اللى كننا معاهم ايد فى ايد .. زماااان .. دمنا فى ايد اللى قسم البلد نصين .. معاهم تبقى حلو و جميل .. ضدهم تبقى كافر و علمانى .. كل شئ مباح مدام فى صالحهم .. و حرام شرعا مدام ضدهم .. دمهم فى ايد ناس .. خرفان .. تصحى الصبح تؤيد قرار اصلا لسة منزلش .. و تيجى بليل تؤيد الغاء نفس القرار اللى تظاهره عشانه الصبح .. خرفان السمع و الطاعة .. خرفان بديع .. !!

و بغض النظر هما مين .. وصفاتهم ايه .. و عملوا ايه .. رئيسهم طلع زيهم .. ماهو منهم .. و ايوة رئيسهم مش رئيسنا .. !!

مع انه متخب و شرعى .. بس خلاص فقد شرعيته .. ماهو اللى يستبيح دم اللى وصلوه لمنصبه و يهدر دمهم يبقى مش منهم و ميستحقش المنصب دة .. زى ما العسكر فقد شرعيته اول ما تعدى على الميدان اللى اداله الشرعية دى .. !!

من النهاردة ماليش رئيس .. !!

لا رئيس لى بعد اليوم .. عثتم فى الأرض فسادا و افسادا .. تاجرتم بديننا الحنيف الذى تبرأ منكم قبل الف و أربعمائة عام .. !!
نعم تبرأ منكم .. اما تذكرون قول رسولنا الكريم " المسلم من سلم المسلمون لسانه و يده " .. ام انكم لا تفقهون .. !!
نعم انك لا تفقهون . ما انتم الا الهة للشر .. عبدة الطمع و السلطة .. تسفكون دماء أبرياء القوم .. ترهبون من أمنكم على نفسه و دمه و عرضه .. تهدرون حقوقا عاهدتم الله على حفظها .. تجمعون الحشود الضالة المضللة لنصرتكم عنوة و قهرا و ظلما .. تستغلون جهل البسطاء بدلا من تثقيفهم و تعليمهم .. محتمين بشرعية زائلة .. شرعية ستزول .. كما سيزول راعيكم .. مرشدكم و رئيسكم .. !!

لا رئيس لى بعد اليوم .. لا رئيس لى بعد الدم .. !!

رحم الله شهداء الوطن .. شباب لقوا حتفهم أمام قصر رئيس الدولة .. راعى الأمن و الأمان .. رحم الله شباب دفعوا ثمن طلب الحرية .. 

و رحم الله شبابكم .. فهذا هو دينى و هذه هى أخلاقى .. أشياء لا تشترى ..

ستسئلون عن كل هذه الدماء التى سالت و التى ستسيل .. ستسئلون .. و ستحاسبون .. وقت لن ينفع دستوركم .. و ستتلاقى الأرواح يوم لا ينفع الندم امام خالق جبار .. عادل .. سينتصر - ان شاء الله - لأرواح زكية طاهرة .. !!

بئس المصير مصيركم .. لستم اخوانا و لستم مسلمين .. !!

و خير الختام : " وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ * مُهْطِعِينَ مُقْنِعِي رُءُوسِهِمْ لاَ يَرْتَدُّ إِلَيْهِمْ طَرْفُهُمْ وَأَفْئِدَتُهُمْ هَوَاء "  .. صدق الله العظيم

_________________________________________________________

تابع أسفل الصورة .. توثيق كامل بالصوت و الصورة لأحداث قصر الاتحادية الأليمة

 

بدأ توافد الميليشيات امام الأتحادية وترديدهم للصيحات الجهادية
http://www.youtube.com/watch?v=h-D6sUPo5GI&feature=g-user-u

احد شباب الأخوان بعد التهجم علي الخيام وازالتها يقول "انا واقف علي الغنيمة"
http://www.youtube.com/watch?v=NakR01cEe7Y

تحطيم الأخوان لخيام المعتصمين
http://www.youtube.com/watch?v=QtjNz4FWzn8&feature=youtu.be&a

بداية الأعتداء وفض الأعتصام من الميليشيات الأخوانية
http://www.youtube.com/watch?feature=player_embedded&v=VBAJZp3NIoY

اعتداء الميليشيات علي سيدات محجبات اثناء عبورهن امام القصر وهتافهم "مرسي! مرسي!"
http://www.youtube.com/watch?NR=1&v=8v9JtAU-UL4&feature=endscreen

اتهام الأخوان للثوار بشربهم الحشيش والخمر بعد تحطيمهم للخيام
http://www.youtube.com/watch?v=6doWU4DzU2U

الأخوان يجردون متظاهر من ملابسه ويسحلونه علي الأرض
http://www.youtube.com/watch?feature=player_embedded&v=SU5Y_vb9Ugw#

المحرض الأخواني زياد تحريراوي
https://www.youtube.com/watch?feature=player_embedded&v=D2YFUsrCkVQ

احد متظاهري الأخوان وهو يضرب رصاص حي في وجه المتظاهرين (من زوايا مختلفة)
https://www.facebook.com/photo.php?v=452088661515066
http://www.youtube.com/watch?v=iXzH4PuvpLQ
http://www.youtube.com/watch?v=eV_AXUGNjOE&feature=g-all-u

اطلاق ميليشيات الأخوان النار علي المتظاهرين وهم يصرخون "الله اكبر" والشرطة تكتفي بالفرجة
http://www.youtube.com/watch?v=oZ8uesrky_U

مشهد واضح لأحد شبيحة الأخوان يطلق النار في وجه المتظاهرين في حماية الأمن المركزي
https://www.youtube.com/watch?feature=player_embedded&v=oZ8uesrky_U#!

عصام العريان يقوم بالتحريض العلني علي الثوار ووصفهم بالبلطجية والأرهابيين ومؤيدين الفلول ويطلب من الشعب بالنزول للقبض عليهم والأنتقام (هام ودليل ادانة واضح)
http://www.youtube.com/watch?v=1QkADLfnZFY

تحريض الميليشيات الأخوانية للشرطة علي التقدم وضرب المتظاهرين وصراخهم "ياللا اهجموا"
http://www.youtube.com/watch?feature=player_embedded&v=mnVlgt1GDg4#!

حرب الأخوان غلي الثوار في حراسة الأمن المركزي والشرطة
https://www.youtube.com/watch?v=fKDfHQrfJJ4

حماية الشرطة للمجرمين
https://www.youtube.com/watch?v=SrgOawSmGHc

الأخوان يقومون بسحل وتعذيب المتظاهرين (في حماية الأمن المركزي) لأجبارهم علي الأعتراف بتقاضيهم اموال
http://www.mujaz.me/Videos/0/9211/الإخوان-يعذبون-متظاهرين-لإجبارهم-على-الاعتراف-بتقاضي-أموال-من-الفلول



احتفال الأخوان بغزوة الأتحادية وفض الأعتصام وهتافهم "الله اكبر" وترديدهم الصيحات الجهادية
http://www.youtube.com/watch?NR=1&v=FKEU0yjUSSY&feature=endscreen

احتفال الميليشيات الأخوانية صباح 6 ديسمبر بقتل المصريين امام القصر وهتافهم "مرسي بيضرب في المليان"
https://www.youtube.com/watch?feature=player_embedded&v=pwgJKcwmVi8

فيديو توثيقي للتسجيل مع الأخوان قبل المذبحة يوم 1 ديسمبر في مليونية النهضة وتحريضهم علي العنف مع الثوار بأسم الدين والشريعة (هام)
https://www.youtube.com/watch?v=SrgOawSmGHc

المقدم وليد من قوات تأمين القصر يكشف مخططات ميليشيات الأخوان (هام جداً ودليل إدانة واضح)
http://www.youtube.com/watch?v=geeOUzBQcik&feature=youtube_gdata_player

فيديو توثيقي لبرنامج يوسف الحسيني وفضحه للأخوان وتحريضهم والأدلاء بشهادته
http://www.youtube.com/watch?v=IeFG9K2KScM&feature=youtu.be

فيديو توثيقي للمذبحة
http://www.youtube.com/watch?v=xi7wADoX1mQ&feature=youtu.be

احد مؤيدي مرسي يطالب بسجن المعارضين وشنقهم
http://www.youtube.com/watch?v=KZf8u_8SSAQ&feature=youtu.be

تهديد الأمين العام لحزب السلامة والتنمية السلفي محمد ابو سمرة بإعلان الجهاد المسلح في حالة سقوط مرسي
https://www.youtube.com/watch?feature=player_embedded&v=xVMmBh2QEZU#!

الصور:

احد شبيحة الأخوان وهو يصوب السلاح
https://twitter.com/WilloEgy/status/276609428713766913/photo/1

الخرطوش المستخدم في قتل الثوار
https://twitter.com/Monasosh/status/276546892484198401/photo/1

تكاتف شبيحة الأخوان علي ضرب طفل صغير
https://pbs.twimg.com/media/A9a0bfZCIAAJVJ_.jpg



صورة الناشطة علا شهبة بعد تعذيبها علي يد ميليشيات الأخوان
https://twitter.com/Sarah_Othmann/status/276604862135926784/photo/1
https://twitter.com/saeed7452s/status/276612128213983232/photo/1

المهندس مينا فيليب بعد تعذيبه
https://twitter.com/iRafla/status/276607597182849024/photo/1

الناشط توني صبري بعد تعذيبه
https://twitter.com/o0naa/status/276662271961358337/photo/1

البوم صور للشهداء والمصابين من الأعتداء
http://www.facebook.com/photo.php?fbid=472506166124248&set=a.204070466301154.46930.175807659127435&type=1&theater%3B%D8%AA%D8%B9%D8%B0%D9%8A%D8%A8 الرهائن من الثوار
https://www.facebook.com/photo.php?fbid=304899589611227&set=a.126929220741599.17137.126911394076715&type=1&theater%3B%D8%B5%D9%88%D8%B1%D8%A9 لحرب الشوارع
https://twitter.com/saeed7452s/status/276611857442291712/photo/1

تجمع الشبيحة لضرب احد امتظاهرين يرتدي تيشيرت 6 ابريل
https://twitter.com/saeed7452s/status/276612056818520064/photo/1

تجمع الشبيحة لضرب متظاهر حتي النزيف (تحذير صورة صعبة)
https://twitter.com/MhmdRoma/status/276614426998763520/photo/1
https://twitter.com/MhmdRoma/status/276614476369915904/photo/1

تحريض الأخوان علي ضرب متظاهر
http://www.facebook.com/photo.php?fbid=452217988159622&set=a.407321672649254.85149.407305752650846&type=1&theater%3B%D8%B4%D8%A8%D9%8A%D8%AD%D8%A9 الأخوان وحملهم للمسدسات (دليل ادانة واضح)
https://www.facebook.com/photo.php?fbid=438891736164017&set=pb.380422168677641.-2207520000.1354793015&type=3&src=https%3A%2F%2Ffbcdn-sphotos-h-a.akamaihd.net%2Fhphotos-ak-ash3%2F74276_438891736164017_607188546_n.jpg&size=600%2C400

احد المصابين في العين (تحذير صورة صعبة)
http://www.facebook.com/photo.php?fbid=454924611237133&set=a.301940449868884.71955.300779059985023&type=1&theater%3B%D8%A7%D8%AD%D8%AF المصابين بالخرطوش في الظهر
http://www.facebook.com/photo.php?fbid=578410572172828&set=a.571837646163454.138973.100000116712911&type=1&theater%3B%D8%A7%D8%AD%D8%AF افراد الأخوان يضرب الخرطوش علي المتظاهرين
http://www.facebook.com/photo.php?fbid=10152286105775632&set=a.10150357750920632.595177.21584000631&type=1&theater%3B%D8%A7%D9%84%D8%A3%D8%B9%D8%AA%D8%AF%D8%A7%D8%A1 علي سيدة
http://www.facebook.com/photo.php?fbid=488179064566455&set=a.290474511003579.84189.290432281007802&type=1&theater%3B%D9%85%D8%AC%D9%85%D9%88%D8%B9%D8%A9 من صور الرهائن في يد ميليشيات الأخوان لتعذيبهم لأجبارهم علي الأعتراف بتقاضي اموال
http://www.albedaiah.com/node/9642#.UMBd2OTPTqF



احد شبيحة الأخوان المتهم بتعذيب المصابين (مطلوب للعدالة)
https://www.facebook.com/photo.php?fbid=548130655201874&set=a.167410423273901.44677.167321556616121&type=1&relevant_count=1&ref=nf

الشهيد محمد ممدوح احمد الحسيني
https://twitter.com/ByRedz/status/276601098301759488/photo/1

ورقة من جيب احد شبيحة الأخوان وفيها تقسيم لمهام الميليشيات في الحشد والتأمين والفض (بها اسماءهم وارقام التليفون)
https://twitter.com/WilloEgy/status/276609155270336512/photo/1

اعتراف احد شبيحة الأخوان علي صفحته الشخصية بتكليف الجماعة لهم بالضرب
http://www.facebook.com/photo.php?fbid=445957312118575&set=a.397994043581569.83234.272137199500588&type=1&theater%3B%D8%B4%D8%A8%D9%8A%D8%AD%D8%A9 اخر من الأخوان يعترف بتكليف الجماعة لهم بالضرب
http://www.twitpic.com/bji9cr



شبيحة اخر يعترف بالتكليف
https://www.facebook.com/photo.php?fbid=119157124914881&set=a.104353116395282.9639.100004617814929&type=1&relevant_count=1

بيان سعد الكتاتني بالنزول
https://www.facebook.com/photo.php?fbid=457210021007126&set=a.190790927649038.49338.185332328194898&type=1&ref=nf

عبد الرحمن عز الأخواني الذي قام بتسليم النشطاء للأخوان لأصطيادهم
http://www.facebook.com/photo.php?fbid=432062836847880&set=a.314523438601821.86994.314508961936602&type=1&theater%3B%D8%A7%D9%84%D8%A8%D9%8A%D8%A7%D9%86 الرسمي للأخوان وامرهم لأعضاء الجماعة بالنزول
https://www.facebook.com/photo.php?fbid=457177551010373&set=a.385664341495028.87136.185332328194898&type=1&ref=nf

تصريح غزلان بالنزول والتصدي للمعارضين
https://www.facebook.com/photo.php?fbid=437973796279735&set=a.280183138725469.58204.103622369714881&type=1&ref=nf

تصريح عصام العريان بالضرب
https://twitter.com/o0naa/status/276664101541924865/photo/1

كذب موقع اخوان اونلاين في نسب تصريحات لأحمد ماهر منسق 6 ابريل
http://www.facebook.com/photo.php?fbid=498044830245386&set=a.104265636289976.2684.104224996294040&type=1&theater%3B%D8%AA%D8%B5%D8%B1%D9%8A%D8%AD%D8%A7%D8%AA جمال ريان من قناة الجزيرة
https://twitter.com/o0naa/status/276668115935449089/photo/1

مانشيت لجريدة وهابية تحرض ضد المسيحيين والكنيسة وتصف المظاهرات بمؤامرة الكنيسة لأسقاط مرسي
http://www.facebook.com/photo.php?fbid=310940659006526&set=a.167444546689472.26552.167297203370873&type=1&theater%3B%D9%81%D8%B6%D9%8A%D8%AD%D8%A9 قناة 25 يناير الأخوانية
https://www.facebook.com/photo.php?fbid=463236743713604&set=a.207876709249610.47571.207625019274779&type=1&relevant_count=1

البوم صور يوم المذبحة للمصور حسن امين
http://www.facebook.com/media/set/?set=a.474283939276648.102599.188587831179595&type=1

الشهادات:
شهادة سيدة اثناء علاجها في عربة الأسعاف عن ضرب الأخوان لها اثناء انقاذها لمتظاهر من ايديهم
http://www.facebook.com/photo.php?v=10151371989888854&set=vb.771163853&type=2&theater%3B%D8%B4%D9%87%D8%A7%D8%AF%D8%A9 سيدة مصابة بنزيف في العين بعد ضرب الأخوان لها ولبقية السيدات (علي جزأين)
http://www.youtube.com/watch?v=8R1qAGmNYaA&feature=youtu.be&a
http://www.youtube.com/watch?v=jWhf6u7jn2I&feature=youtu.be

شهادة مروة فاروق من حزب التحالف الشعبي حول ما فعلته ميليشيات الأخوان مع النساء وسبيهم لهن وتواطؤ الشرطة معهم وما حدث لعلا شهبة ورفضهم لأسعافها (هام جداً ودليل ادانة واضح)
http://www.youtube.com/watch?v=w3Xy4wN3vjM

شهادات بعض الناجين من المذبحة واعترافهم بوجود عدد من القتلي والمصابين واعترافهم بوجود الأسلحة مع الأخوان (هام )
http://www.youtube.com/watch?v=vbvCN81Xnbg&feature=youtu.be

شهادة الصحفية نجلاء بدير علي ضرب ابنتها مي سعد وضرب الميليشيات للمصابين وكسر ايديهم وتهديدهم لد.مني مينا بالقتل
http://www.youtube.com/watch?v=ZB7Zi88Si4o

شهادة مراسل اون تي في علي ضرب الخرطوش وتسليم الأخوان مثل (عبد الرحمن عز وزياد تحريراوي) للنشطاء وخطف المصابين من المستشفي الميداني
http://www.youtube.com/watch?v=xoa6PzrQYaw

شهادة احد اعضاء 6 ابريل علي اقتحام الأخوان للخيام وتشويههم لصورة الثوار
http://www.youtube.com/watch?v=Q-kZEnPQd_k&feature=g-all-u

شهادة احد سكان محيط الأتحادية حول احضار الأخوان للخمور ونسبها للمعارضين
http://www.youtube.com/watch?v=6Sdnky3lM6I

شهادة باسم قناوي من قلب الأحداث (هام)
https://www.facebook.com/photo.php?fbid=559814317365660&set=a.207613635919065.63771.207609882586107&type=1&ref=nf

شهادة الصحفية حنان فكري حول محاولات الأخوان اقتحام الكنيسة الكاثوليكية بمصر الجديدة
http://www.cairo-now.com/news-3-16399.html


https://www.facebook.com/SlfyAldstwr/posts/472820476089672

شهادة مدير شبكة رصد علي استخدام الأخوان للسلاح الحي
https://www.facebook.com/photo.php?fbid=453952074641579&set=a.261472413889547.62728.261420983894690&type=1&theater%3B%D8%B4%D9%87%D8%A7%D8%AF%D8%A9 حفيد مرشد الأخوان السابق ابراهيم الهضيبي حول اصدار خيرت الشاطر للتعليمات للميليشيات الأخوانية بالنزول (هام)
http://www.facebook.com/photo.php?fbid=399313353478978&set=a.128163653927284.31157.128148507262132&type=1&theater%3B%D9%85%D9%84%D8%AD%D9%88%D8%B8%D8%A9:

Read More

أنا آسف يا ريس .. !!

انا اسف يا ريس

العنوان ليس بغريب عنك .. انا اسف يا ريس .. هو اسم لأكبر صفحة الكترونية حاربت ثورة شباب مصر فى الخامس و العشرين من يناير .. و قبل ان تصفنى بأحد فلول نظام مبارك البائد ، وجب التنبيه اننى لا اقصد بقولى " يا ريس " الرئيس المخلوع مبارك .. لكننى اقصد - و بكل اسف - الرئيس المنتخب شرعيا محمد مرسى .. حقا انا آسف يا ريس .. !!

آسف .. و اعتذر بشدة عن دعمى لك .. و مساندتى لك .. 

اعتذر عن محاولاتى السابقة فى اقناع اصدقائى و المقربين لى لانتخابك

اعتذر اننى - عصرت على نفسى الف لمونة - و اعطيتك صوتى فى انتخابات الرئاسة

اعتذر اننى تناسيت - عمدا - انك شئت ام أبيت احد افراد جماعة المتأسلمين الكاذبين الخونة تجار الدين 

اعتذر انك رئيسى

اعتذر انك اول رئيس مصرى منتخب فى تاريخ هذا الوطن

ففخرى بأنك أول رئيس مصرى منتخب لا يقل اطلاقا و بأى شكل عن قدر العار الذى يلاحقنى كلما تذكرت اننى ساندتك للوصول لهذا المنصب .. !!

لن اقيم ادائك السياسى او الاقتصادى .. فلا املك الخبرة و العلم الكافيان لمناقشة ذلك .. و لكنى اعلم تمام العلم انك لم تقدم شيئا يذكر لمصر و للثورة .. ما ولت ارى الفساد و الانحطاط منتشرا .. ما زلت لا ارى الامن الذى وعدت به .. ما زلت ارى تجاوزات جماعتك المتأسلمة تتاجر بالاسلام لتحقيق مكاسب شخصية .. مازلت ارى مبارك نفسه - بس بدقن - .. ما زلت ارى الحزب وطنى نفسه - بس بدقن - .. بل أسوأ كثيرا و احقر كثيرا .. !!

عارى يلاحقنى كلما ارى دماء ابناء مصر هى ارخص ما فيها .. 

عارى يلاحقنى كلما اجد دعمك للقضية الفلسطينية اكبر و اعظم من دعمك للقضية المصرية ..

عارى يلاحقنى عندما ارى بأم عينى فساد كل المنظومات المصرية .. بلا استثناء ..

عارى يلاحقنى عندما ارى افراد جماعتك تستحوذ على كل المناصب .. 

عارى يلاحقنى عندما ارى القتلة و الارهابيين خارج السجون بأمر شخصى منك .. 

و يلاحقنى كلما اتذكر شباب الثورة خلف القضبان .. ايضا بأمر شخصى منك

عارى يلاحقنى فى تأسيسيتك للدستور .. و يلاحقنى فى برلمانك المنحل .. و يلاحقنى فى اعلامك .. و شرطتك و دفاعك .. و يلاحقنى فى شيوخك و متاجريك بالدين .. و فيك .. !!

عارى يلاحقنى كلما اتذكر اننى اعطيتك صوتى قبلا و ساندتك كثيرا حتى تصل بمصرنا الى اكثر درجات الظلم و الجهل و التخلف .. على يديك و ايدى جماعتك .. و اقرانك من اصحاب الدقون .. لا اراكم الله عزا .. !!

و الحديث عن فشلك يطول و يطول و يطول ..

و يبقى السؤال الأهم .. لمن أعتذر اليوم .. !! 

هل اعتذر للشهداء .. ام لمساجيننا من الثورة .. ام للثورة نفسها .. ام لمصر .. ام للمصريين .. !! 

و يا تُرى .. هل يكفى الاعتذار .. !!؟

سيدى الرئيس .. باسم كل شعب مصر اتحدث .. لم نخلع مبارك كى نأتى بمثله .. و لم ننقذ مصر من براثن الوطنى كى نؤخونها .. و لم نكن يونا كفارا كى تؤسلمها .. سيدى الرئيس .. لم تعد بسيدى .. ايها الرئيس المصرى المنتخب .. انت المسئول الاول و الاخير عن كل ما يحدث فى مصر .. انت و جماعتك المحظورة - صدق القول و التعبير - و اربابك من الارهابيين و تجار الدين .. و اعلم جيدا ان وقت الحساب قادم لا محالة حتى و ان طالت ايامك فى قصر الاتحادية .. حتما ستخرج الينا و لن يفرق بيننا و بينك وقتها حراسك او زبانيتك او حتى عشيرتك المزعومة .. !!

ايها الرئيس .. سترحل .. أنت و نهضتك .. !!

 

 

تنويه : 

كُتِبت هذه الكلمات فى يوم السبت الموافق 17 - 11 - 2012 .. ذكرى حادثة قطار أسيوط التى راح ضحيتها 47 طفلا .. عرفت اسماؤهم من كراساتهم الملطخة بالدماء الزكية .. راحوا ضحية الإهمال و الفساد لينضموا الى أخوانهم الذين سبقوهم الى جنات الخلد - و هم كثر - .. اقرؤوا عليهم السلام و فضلا لا تخبروهم اننا اضعنا حقكم و حقهم .. حق أطهر من فينا .. !!

 

 

Read More

أنت ورقة

" انت ورقة " .. عند سماعك لهذه الجملة للوهلة الأولى يقفز الى ذهنك المشهد التاريخى للفنان العظيم يوسف بك وهبى عندما حاول اقناع الفنان العظيم - ايضا - فؤاد المهندس بأنه ورقة قائلا و مرددا جملة " أنت ورقة .. أنت ورقة .. أنت ورقة " فى فيلم لا اذكر منه سوى الجملة الشهيرة " انسان انوى نادر " .. و لا اذكر اسمه ايضا .. !!

هذا المشهد الذى وصفته سلفا بالتاريخى .. ليس مجرد مشهدا فى فيلم ابيض و اسود .. فهذه الفكرة الجنونية فى اقناع شخص انه مجرد ورقة ليست مجرد فكرة جنونية لشخص مجنون يظن فى نفسه العلم الواسع .. انما هى وصف تحليلى دقيق لحياة كل مواطن مصرى منذ قدومه الى الدنيا حتى رحيله عنها .. رؤية مستقبلية و بعد نظر يُحسد عليه مؤلف الفيلم و أداء تمثيلى مبهر للراحل يوسف بك وهبى .. فمحاولاته المستمرة لترسيخ هذا المعنى فى عقل هذا المواطن البسيط أعتقد انها ليست مجرد اداء تمثيلى و لكننى ارى فيها تحذيرات هامة و تنبيهات لكل منا .. تحذير ان كل منا هو مجرد ورقة .. ورقة .. !!

تأتى الى الدنيا عفيفا بريئا كل ما تملكه هو البكاء .. فقط البكاء .. و ورقة ميلاد تثبت مجيئك الى هذه الدنيا .. لولاها لا وجود لك على هذا الكوكب .. و من ورقة الميلاد الى ورقة طلب الدخول الى المدرسة .. الى ورق الشهادات .. و ورق البطاقة الشخصية و غيرها الكثير من الأوراق الروتينية الى نمر بها جميعا فى رحلة البيروقراطية النصرية العقيمة بدءا من ميلادك انتهاءا بورقة وفاتك و خروجك من دنيانا الفانية .. !!

لا تنخدع فيما كتبت قبلا .. فلا اقصد هذا النوع من الورق التافه عديم القيمة .. و لكننى هنا أتحدث عن ورق اكثر قيمة .. ربما لا يكون مرئيا لنا جميعا .. و لكننى أثق تمام الثقة أننا جميعا مررنا بهذه الحالات و اللحظات التى نشعر فيها اننا عدة أوراق .. أو مجرد ورقة .. !!

فهناك من ينسى انسيتك و شخصك .. و لا يرى فيك غير المال - مثلا - .. حينها تعتقد فى نفسك انك مجرد ورقة .. فانت لا تمثل للبعض سوى المال .. يزداد قربه و محبته لك بمقدار زيادة أو نقصان مالك .. فلا تجده بجانبك سوى اوقات الرخاء و الترف .. و غالبا ما يكون انتهازيا استغلاليا لك و لمالك .. و لن تجده ابدا اذا انتقص مالك .. !!

و هناك من لا يرى فيك سوى علمك .. او بالأحرى درجاتك الموثقة فى الشهادات العلمية .. ورقة الشهادة .. فانت لا تمثل له سوى مجموعة درجات تزيد فيزداد قربه لك .. تنقص فيتناساك .. هو الشخص الذى لا تعرفه فى حياتك سوى اوقات الامتحانات اذا قُدر لك و كنت من الفائقين دراسيا .. و هو نفس الشخص الذى يتجاهلك و يتعمد اهانتك و ايذائك نفسيا لو تعثرت دراسيا .. بل و الأدهى قد يكون هو احد اسباب تعثرك .. فتمر الأيام و هو ينتظر مشاهدة سقوطك لأقصى درجات التعثر .. فتسعد دنياه .. فلم تعد انت الفائق صاحب الدرجات العالية فى الشهادة .. ورقة الشهادة !!

و هناك من يراك سيارة - مثلا - .. او ورقة رخصة القيادة .. فتكون سائقه الخاص .. رفيقك فى كل مكان .. فتظنه صديقا .. تكتشف حقيقتك عنده فقط اذا تعطلت سيارتك .. او فقدت اوراق رخصتك .. فلا تستعجب اذا رأيته لا يصادقك و يستبعدك من حياته تماما عندما تختفى هذه الورقة .. و يعود الى احضانك مهرولا اذا استعدت سيارتك .. !!

و هناك من يرى فيك انك مجرد ورقة توصية .. فلا يعرفك الا للمصلحة .. و ليست العامة بالتأكيد .. فأنت ورقة تسهل عليه عمله .. او تفوز له باجازة طويلة .. او تسهل عملية تجارية .. او تمنع مشكلة ادارية .. مجرد ورقة فى صورة كارت شخصى مزين بتوصية مكتوبة خطيا على ظهره ..و بالطبع لا أحتاج أن اذكرك بأنه سوف ينهى علاقته بك تماما فور زوال منصبك .. !!

و هناك من يجدك جريدك فكاهية .. يجد فى وجهك كوميديا لا يجدها فى افلام اسماعيل ياسين .. فيضحك عليك و يستهزأ بك و يسخر من كلماتك و تصرفاتك .. و لا يجد سعادته الشخصية الا فى اهانة شخصك علنا و سرا .. فانت بالنسبة له ورقة .. ورقة تعليه مقاما فى نظر الأخرين لأنه - ابو دم خفيف - .. !!

و هناك من يتخيل نفسه نشرة اخبارية .. فيجعل من نفسه مصدر اخبارى اذاعى .. ينشر اخبارك خيرها و شرها علانية .. بل و يسعى لمعرفة سرك .. و فضحه .. فهو فى ذاته ورقة .. ورقة رخيصة .. !!

و هناك من يعتقد فى كلامى انه مجرد كلام على ورقة .. ورقة قد لن يقرأها .. و ان قرأها لن يكملها .. و ان اكملها لن يفكر فيها .. و لن يعلق عليها استعلاءا و استكبارا .. أو اقتناعا بأن كلامى مجرد كلام على ورق لا يستحق اقل درجات التفكر .. أو التشجيع .. !! .. فكلانا ورقة .. !!

انا انسان .. مجرد بشر .. قد أخطئ و قد أصيب .. قد أفلح و قد أفشل .. و لكننى - بالتأكيد - لست مجرد ورقة .. !!

و للحديث بقية ..

Read More

المنحة .. !!

صباح يوم جديد فى قاهرة المعز .. اصوات اتوبيسات النقل العام تملأ سماءها .. طرقاتها تشهد زحاما ملحوظا حول عربات الفول .. المارة يستجدون سائقى السيارات لعبور الشوارع غير آبهين بما يعرف فى كل مدن العالم باشارات مرور المارة و السيارات .. اشتباكات لفظية بين سائقى الميكروباصات امام محطات البنزين 80 .. طلبة المدارس يستعدون لحصتهم اليومية فى معاكسة طالبات الثانوى .. 

كل شئ بدا تقليديا تماما .. صباح عادى تقليدى يتكرر يوميا منذ ستينات القرن الماضى .. و كأن الزمن لا يتقدم .. كل شئ بدا عاديا .. غير اننى كنت فى طريقى الى وزارة الصحة و السكان لأول مرة فى حياتى .. هذا كان استثنائيا .. !!

و لمن لا يعرف وزارة الصحة و السكان .. فهى تقع فى 32 شارع الفلكى بجوار وزارة الداخلية .. و عندما نتحدث هنا عن وزارة الداخلية يجن ان نذكر ان عبور هذا الشارع لا يقل خطرا عن عبور حدودنا مع اسرائيل .. فالشارع ملغم بضباط الشرطة و الأمناء خاصة بعد ثورة يناير .. لا ينقصه سوى التفتيش الذاتى .. !!

عودة لوزارة الصحة ..

الوزارة بها ملحقة لا تختلف كثيرا عن دورة مياه عمومية مهجورة فى منطقة نائية خالية من السكان لا زرع بها ولا ماء .. هى ملحقة استخراج تراخيص مزاولة المهنة .. ليست مهنة الطب و حسب .. انما 15 مهنة اخرى بجانبها تشتمل على التمريض و اخصائيين الأشعة و مساعديهم و .. و .. و .. و .. و .. و غيرها الكثير .. و ناهيك طبعا عن الروتين المصرى و البيروقراطية العقيمة التى انهكت قوايا من السابعة صباحا ابتداءا من الوقوف فى طابور امام مدام زينب لاستكمال الأوراق المطلوبة .. انتهاءا بعم صلاح لتسليمى الترخيص فى تمام الثالثة عصرا .. !!

لم يسترع انتباهى فى كل هذه ( الدوشة ) غير استاذ محمود – على ما اذكر – و هو أشبه بالمدير الفنى لهذا المكان الموبوء .. !!

هذا الرجل الذى يقارب الستين من العمر .. ابيض الشعر .. – عظم على لحم – سوى كرش صغير ليضبط توازنه على الكرسى الخشبى .. و لا يقوى على الحركة .. يجلس امام الباب مباشرة مستندا على عكازه .. مرتديا نظارته – كعب الكباية – .. مطلقا توجيهاته للعاملين و المتواجدين تارة و تهديداته بالغاء اوراقهم تارة اخرى .. يتدخل فى كل كبيرة و صغيرة .. و يلقبونه بالريس .. !!

هذا الريس الذى لم يفارق الشاي يده من كوب الى اخر .. و كأنه سائل الحياه بالنسبة له .. ينادى على مدام زينب بكل ما اوتى من قوة قائلا : " يا زييييييييييزي .. خلصى ورق الأستاذة دى و طلعيه فوق مع صلاح عشان هى هنا من بدرى قوى " .. و بالطبع ترد زيزى بدون تفكير " تؤمر يا ريس " ..

و تتوجه هذه الأستاذة المنتقبة الى زيزى – مدام زينب سابقا – .. و يبدو عليها الانهاك و بصحبتها رجل عجوز يبدو عليه ملامح الوهن و الضعف و قلة الحيلة .. و تبدأ فى شرح مشكلتها لزيزى .. !!

و بعد ما يقرب من 10 دقائق من الشرح و التفصيل .. تطلب منها زيزى التوجه الى الطابق الثانى لمكتب استاذ – مش عارف مين – للتحقق من وجود اسمها فى الكشف .. لتبدأ مغامرة أخرى فى رحلة البيروقراطية المصرية .. و لكن بصحبة والدها المسن .. !!

تمضى الدقائق و الساعات .. و أنا فى انتظار عم صلاح – يحن عليا – و ينادى اسمى ليسلمنى الترخيص حتى استطيع استكمال استخراج كارنيه النقابة .. و لا شئ من حولى يتغير غير ان اعداد المتواجدين تتزايد .. و الريس محمود بدأ فى تناول فاكهة البلح .. مع الشاى .. !!

تظهر المنتقبة مرة أخرى فى المكان و فى يدها الكثير من الاوراق .. تسلمها الى الريس .. لينظر اليها ببرود متناهى و يقلب فى الأوراق بيده – المتعاصة – بلح .. ليتأكد من صحة الأوراق .. و يلوثها .. !!
و يطلب من السيدة الرجوع الى زيزى مرة اخرى .. فتتحرك بسرعة شديدة من اثر – الزهق – و الملل و تطلب من مدام زيزى مراجعة الأوراق و تسألها " فيه حاجة ناقصة ؟؟ " .. لتجيبها مدام زيزى بأن عليها التوجه بهذه الأوراق الى الطابق الرابع حيث يتواجد دكتور سيد – الوكيل – لمراجعتها .. فتستجيب السيدة مسرعة الى السلم حتى لاتضيع مزيدا من الوقت .. لتلتقى والدها العجوز الذى لم يكن قد انهى نزول السلم من مغامرته الأولى فى رحلة البيروقراطية .. و يُصدم بخبر بداية مغامرة جديدة فى هذه الرحلة اللا متناهية .. !!

"اقعد يا بابا ارتاح انت تحت شوية " .. هكذا طلبت منه ابنته بصوت يملؤه العاطفة ممزوجة ببعض من الملل .. فيجيبها " لا يا بنتى انا جاى معاكى " .. !! .. و يستسلم لواقعه المريرة و يبدأ فى ملاحقة ابنته التى استبقته الى أعلى .. !!

و تمضى الساعات .. انا فى مكان لا أتحرك .. الريس محمود يأكل البلح و يشرب الشاى .. و زيزى – فتحاها مسيرة – مع العاملين الأخرين .. و عم صلاح – لسة محنش عليا - .. !!

و مرة أخرى .. المنتقبة بصحبة والدها العجوز مستندا عليها ينزلان الدرج الى حيث نتواجد .. و فى يدها مجموعة كبيرة من الأوراق .. تسلمها الى الريس .. يلوثها بالبلح .. يسلمها الى زيزى .. زيزى ترسلها الى مكتب اخر .. تعود مرة اخرى الى الريس الذى فاجأ الجميع باطلاق تنهيدة طويلة و كأنه تنهيدة الارتياح من ارهاق أكل البلح و شرب الشاى .. قائلا : " كدة خلاص يا ست الكل .. ورق المنحة كله خلص مش فاضل غير الختم دة و بس " .. فتنفرج اسارير الوالد العجوز و بالطبع ابنته التى لم أرى ابتسامتها تحت نقابها .. الا اننى شعرت انها كادت ترقص فرحا .. !!

و يمد الريس يده الى درج مكتب متهالك بجانبه و يخرج منه ختما عفا عليه الزمن .. و يختم الأوراق بقوة 6 ريختر .. حنى ان الختم كاد ان يمزق الأوراق .. !!

و اخيرا .. تذكر ان يمسح يده – المتعاصة – بلح فى طرف جريدة ملقاة على المكتب .. و امسك الأوراق .. وضعها فى دوسيه .. و كتب عليه اسم السيدة .. و طلب منها ان توقع على ورقة .. و سلمها ايصال .. و ابتسامته لا تفارق وجهه الكهل .. و اعتدل فى جلسته و قال : " كدة بح يا ست الكل .. ورق المنحة كدة تمام التمام .. تقدرى تسألى عليها ان شاء الله كمان اربع سنين " .. !!!!!!

!!!!!!!!!!!!!!!!!!!!!!!!!!!!!!

علامات الصدمة على وجه الوالد المسن الذى لم يستوعب ما سمعه و اخذ اطراف الحديث مع الريس نيابة عن ابنته التى غابت فى ثبات عميق .. !!

  

-  نعم .. !

-        ايه .. !!

-        اربع سنين ايه .. !! بتهرج صح .. !!

-        و ههرج معاك ليه .. احنا اصحاب .. !!

-        اومال ايه اربع سنين دى .. !!

-        ايوة اربع سنين .. !! .. المنح بيتبص فيها كل اربع سنين .. !!

-        ايه .. !!

-        يلا يا استاذ عشان فيه غيرك هنا .. !!

ثبات عميق فى المكان .. حالة من الصدمة تسيطر على السيدة و والدها .. و حالة من التعاطف تسيطر علىّ و على المتواجدين فى المكان .. حتى ان المتذمر منهم توقف عن شكواه المستمرة عملا بمبدأ " اللى يشوف بلوة غيره تهون عليه بلوته " .. !!

يبدأ الرجل العجوز ينسحب من المكان ببطء شديد و على وجهه ابتسامه سخرية تكشف العديد من معانى الذل و القهر و الغلب المسيطر على غالبية شعب وطننا .. شعب بلا حقوق .. و ابنته ما زالت ثابتة فى مكانها لا تبرحه .. و كأن – سهم الله – نزل عليها .. لا تفيق الا على صوت والدها القادم من خارج المبنى " يلاااااااااااا يا بنتى بقى " .. فتتنبه لصوته و تنظر اليه نظرة خاطفة ثم تتوجه اليه مستسلمة لمصيرها الأسود .. أسود ظلمات وزارة الصحة .. !!

تعقيب : لمن يشكك فى مصداقية ما أقول و ما أروى .. هذا ما قد رأيت و الله يشهد على ما أقول .. لا أعلم شيئا عن منح وزارة الصحة و لاأعرف صحة مقولة الأربع سنوات .. و لا أعرف اذا كانت هذة السيدة طبيبة ام لا .. و لكنه ما حدث ..  والله على ما أقول شهيد .. !!

 

 

Read More

شخابيــــــــــط .. "3" .. مجرد رأى فى نصرة الرسول الكريم .. !!

طبعا فيه ناس هتكفرنى بعد الكلام اللى هكتبه دلوقتى .. :))

اللى بيحصل عند السفارة الأمريكية دلوقتى و اللى حصل فى اليمن و فى ليبيا .. اسمه تخلف عقلى و غباء منقطع النظير

و محدش يقولى نصرة رسولنا و يتحمق عليا ..

اولا .. نصرة رسولنا تكون باتباع سنته و رسالته و اللى كلنا عارفين مفيش فيها اى حاجة من اللى بيحصل دلوقتى .. و لو ناسيين افكركم بـ " اذهبوا فأنتم الطلقاء " .. !!

ثانيا .. 95 % من اللى عند السفارة و عايشين دور البطولة فى مواجهة اعداء الله من رجال الداخلية - من وجهة نظرهم طبعا - ما شافوش ولا هيشوفوا الفيلم .. و لا يعرفوا اى حاجة عنه غير ان الشيخ الهمام ايو دقن طويلة و جلابية قصيرة قالهم اعملوا كدة .. !!

و على فكرة هما دول برضه نفس الناس اللى قالوا على نجيب محفوط كافر من غير ما يقرؤوا حرف ليه ولا حتى اولاد حارتنا .. !!

ثالثا .. مفيش خبر واحد على اى موقع اخبارى عالمى عن الفيلم و اعادة بثه .. !! .. كلها اخبار قديمة من سنين .. !!


و قبل ما تقول عليا كافر ولا متخاذل عن نصرة الرسول الكريم .. اللى فى رأيى المتواضع جدا . انه ازكى و اكرم و ارفع شأنا بكتييييييييييييييييييييييير جدا جدا من نصرته على الطريقة دى و شاكلة ابو دقن اللى بيحدف طوب على السفارة .. !!

و بعيدا بقى عن البؤين بتوع ان السفارة الأمريكية تعتبر تحت سيادة أمريكا و كدة احنا بنعاديها .. و هندخل بلادنا فى مشاكل ماحناش قدها .. اللى بيحصل قدام السفارة مش دين ولا أخلاق ولا حتى عقل و مفهومية .. !!

و قبل ما حد يسمعنى البؤين برضه بتوع انت دلوقتى بتهاجم التظاهر و بتدافع عن الداخلية عشان انت بتحب مرسى و متعاطف معاه .. هارجع و اقوله ان دة برضه كان رأيى زمان لما نفس الدقون دى راحت اقتحمت سفارة اسرائيل فى عز الثورة .. و برضه كان رأيى فى نفس الدقون اللى فى عز ثورتنا طلعلهم جناحات بترفرف و صدعونا بـ ؟ سلحونا سلحونا و علىغزة رحلونا " .. !!

أيها السادة الكرام - اللى بدقون - .. ديننا الاسلامى الحنيف مش طاقية و جلابية قصيرة و دقن .. ديننا مش نقتحم سفارة و نقتل سفير .. ديننا مش تغييب عقل و اتباع اى رأى لمجرد ان صاحب الرأى بدقن .. ديننا مش انتم .. و انتم مش ديننا .. !!

ديينا الإسلامى من تصرفاتكم برئ .. !!

و تانى للى ميعرفش و اللى مش عايز يعرف .. انا مسلم .. و اسمى اسلام .. و غيور على دينى .. و رسولى الكريم .. بس نصرته تكون باتباع سنته و رسالته و تكريمه و تعريف الناس بيه . زى ما حصل من جماعة " اكتشف الاسلام " فى لندن لما بدؤوا حملة تعريف بيه فى لندن .. و على هما كمان بدقون .. بس الفرق بينكم و بينهم الدماغ .. !!

و مجرد سؤال .. مين المستفيد من دفع المسلمين لمهاجمة سفارات امريكا فى يوم تم التعارف عليه دوليا - شئنا ام ابينا - بيوم للتعاطف مع شعب امريكا .. 11 سبتمبر .. !!

و خير الختام .. اللهم صل و سلم و بارك عليك يا سيدى يا رسول الله يا خير الانام و خاتم المرسلين

Read More

شخابيــــــــــط .. "2" .. مفيش أخلاق .. !!

شخابيط شخابيط دي مجرد شخابيط .. بس شخابيطي انا و بس .. يعني افكار مش هتلاقيها غير عندي انا و بس .. عشانها افكار اصلا مش موجودة او تقدر تقول مش افكار من الأساس .. دي تخاريف .. منا اساسا عقلي تعبان .. مجنون بيشخبط شخابيط .. !! 

 يعني مثلا  

حاولت اكتر من مرة اكتب الموضوع دة .. مرة بالفصحى و مرة بالعامية و أعمل مقدمات طويلة عريضة .. و اتخيل ناس فى زمن تانى غير زمننا .. و اعمل حوارات و افلام .. مع ان الموضوع ابسط بكتير من كدة .. اللى عايز اقوله المرة دى برضه خيال .. خيالى انا و بس .. شخابيط .. !!

مشهد لميدان التحرير فى زمن منعرفوش و يوم منعرفوش .. و ليكن يوم ٢٥ يناير (*) .. مئات الألاف جايين على الميدان من كل مكان فى مصر .. كاميرات التليفزيون مرشقة فى كل حتة .. الخيم اتنصبت .. الأعلام اترفعت .. الاعتصام بدأ .. الهتافات اشتغلت .. الالتراس بيزلزل كوبرى قصر النيل (**) .. منظر مهيب .. الصوت بيرج مصر كلها .. الهتاف بأعلى صوت و لأخر نفس .. " الشعب يريد إسقاط عديمى الأخلاق " .. !! 

الشعب عايز أخلاق .. يعنى لما واحد كتفه يخبطك و هو ماشى فى الشارع بالغلط يلف و يبتسملك و يقولك آسف .. تبتسمله و تعديها .. أو لما واحد ياخد مكان ركنتك ما تفضلش تشتم بأعلى صوتك فى الشارع كأنه غلط فى ذاتك الملكية .. حاجات كلها بسيطة جدا جدا .. !!

ندخل فى التقيل بقى .. !!

يعنى لما بنتك او اختك او مراتك تنزل يوم العيد - او اى يوم تانى - الشارع .. تمشى و هى متطمنة و فى أمان .. مش قلقانة من واحد يعاكسها ولا واحد يتحرش بيها ولا سواق تاكسى يفضل يلعبلها حواجبه فى المراية .. !!

يعنى لما تختلف مع اخوك فى الرأى تسمع كلامه للأخر و لو اقتنعن بكلامه كان بها .. و لو مقتنعش محصلش حاجة .. هو مغلطش فى البخارى يعنى .. عديها .. مش لازم تشتمه و تتفه من رأيه و تقول عليه حمار .. !!

يعنى لما ابنك ولا اخوك الصغير يروح يلعب هع اصحابه فى الشارع ولا النادى او حتى الساحة الشعبية .. متبقاش قلقان ان نص اصحابه يكونوا شمامين او حشاشين .. !!

يعنى لما بنتك او مراتك تتأخر فى شغلها شوية .. تمشى فى الشارع و هى مطمنة ان محدش من اللى ملقحين على القهاوى يبصلها بصة كدة ولا كدة .. او يقول ايه مرجعها متأخر .. او يؤلف حكاية ليه معاها يثبت بيها للناس معاه انه سبع البرومبة .. عشان بس اتأخرت فى شغلها شوية .. !!

يعنى ما تلاقيش واحد بيحشى سجاير فى بيته قدام مراته و عياله .. أو ميحشيش من أصله .. !!

يعنى متبصش من ورا الشيش على جارتك و هى بتنشر الغسيل .. عشان تخطفلك بصة على دراعها ولا صدرها .. !!

يعنى متلعنش اليوم اللى اتولدت فيه لما ابوك يقل مصروفك شوية .. !!

يعنى تخلى عندك دم و تشيل عن اهلك شوية .. !!

يعنى متمسكش مسمار و تمشى تعلم على عربيات الشارع واحدة واحدة .. !!

يعنى متبصش لغيرك و متكرهلوش الخير .. !!

يعنى متقضيش كل وقتك على النت تدور على القباحة .. !!

يعنى تعرف ان زميلتك دى زى اختك .. متتكلمش عليها ولا تبص علي جسمها .. و لا تلعب بيها .. و تبطا تريل قدام اى "ت" مربوطة .. كما تدين تدان يا أخى .. !!

يعنى تبقى قد الأمانة .. و تبقى قد ثقة الناس فيك .. !!

يعنى متلومش الضحية .. !!

يعنى متنمش .. متغتابش .. متشتمش .. متخونش .. متكدبش ..متغشش .. متعاكسش .. متتحرشش .. متحششش .. متسكرش .. !!

يعنى خليك محترم .. !!

يعنى .... (***) ...

يمكن فى زمن غير زمننا .. و دنيا غير دنيتنا .. الناس تروح التحرير فعلا .. و اللى كتبته دة يبقى هتافات تزلزل مصر .. و نطالب الشعب - ولا استثنى نفسي - بالأخلاق و الاحترام .. و نقف قدام عدسات الكاميرات نتكلم بالساعات عن الاخلاق  .. و نلاقى جرافيتى فى كل الشوارع بتقول خليك محترم خليك أخلاق .. يمكن و يمكن لأ .. !!

يمكن أكون بتخيل أو بحلم .. بس الحلم دة لازم يتحقق .. او على الأقل جزء منه .. عشان بجد احنا بقينا - للأسف - مجتمع بايظ صايع حشاش .. مجتمع مقرف عايز يتفجر .. مجتمع عديم الأخلاق .. !!

بس يا ترى هنعتصم كام يوم فى الميدان عشان الناس ترجع أخلاق تانى .. !!

____________________________________________________________

(*)  بالعند فى كل كارهى ثورة شباب مصر .. ثورة 25 يناير

(**) بالعند برضه فى كل كارهى رجالة الألتراس .. و بالعند فى كل اللى أنكر دورهم فى الثورة

(***) اكتب الانتقاد اللى عايز توجهه لعديمى الاخلاق .. و هأضيفه الى شخابيطى "بإسمك" 

 

Read More