المرة دى بكتب كلام مش هنشره .. يعنى مش هنشر لينك البوست و لا هنزل الكلام فى اى مكان تانى .. و بما ان محدش اصلا بيدخل على المدونة يبقى محدش هيقرأ الكلام دة من الاساس .. !!
طيب هكتبه ليه و انا عارف ان محدش هيقراه .. !!
هكتبه عشان كلام لازم يتقال .. عشان افضفض عن اللى جوايا لو حتى بفضفض لنفسي و خلاص .. مع انى عارف انه كلام زى قلته لأنه مش هيفرق فى حاجة .. لا حد هيقراه و لا حد هيشوفه و لا هيسمع عنه و لا هيعمل .. و لا حتى هيحسه .. ما هو لو كان حد حسه مكنش بقى دة حالى .. !!
قُصر الكلام ..
من غير لف و دوران و من غير كلام كتير .. هسألك مجرد سؤال .. ليه عامل نفسك مش شايفنى .. !!
اصل انا مش شفاف .. !! .. و لا حتى جسمى قليل .. و لا انا ساكن بعيد .. دة انا بينى و بينك كام متر .. و لا رقمى سرى .. و لا طبعى غريب .. مش هاقولك رن رنة او اسأل عليا .. و لا هاقولك عشرة السنين و الكلام اللى انت شايفه فاضى دة .. و لا هاقولك عدى عليا نشرب كوباية شاى .. و لا هاقولك حطنى فى حساباتك .. و لا هاقولك حتى اقرأ الكلام .. بس و انت ماشى ابقى ارمى السلام .. !!
يا عم دة السلام لله .. !!
بلاش دى .. يمكن السلام تقيل عليك .. معذور برضه .. لسة هتقول " السلام عليكم و رحمـ .. " .. ياااااه .. دى جملة طويلة قوى فعلا .. !!
عندك حق .. انا ظلمتك .. !!
طيب خليك حسيس لما ابقى عينى فى عينك و بينى و بينك ميجيش نصف متر .. قول اى كلام .. اى رغى و السلام .. !!
بلاش تتكلم برضه عشان متتعبش .. مش عايز اتقل عليك .. !!
اقولك !؟
لما اتكلم انا .. ابقى رد عليا .. سهلة دى !؟ .. سهلة والله قوى .. !!
صعبة !؟ .. صح عندك حق .. هترد ازاى و انت اصلا مش سامعنى .. !!
طيب ما تجرب تسمعنى .. !!
صعبة برضه !؟؟؟؟؟
طيب ليه صعبة .. جرب بس تسمعنى مش هتخسر حاجة .. لو قلت حاجة مفيدة اديك استفدت .. و لو قلت حاجة هايفة اعمل نفسك بتضحك .. !!
مش عايز تضحك !؟؟؟
ما انا ببقى شايفك من بعيد بتتكلم و بتضحك و عادى .. اشمعنا لما اكون موجود يعنى .. !!
يمكن انا اللى كئيب برضه .. !!
طيب بلاش تضحك و بلاش تسمع و بلاش تتكلم .. جرب تحس .. !!
معلش .. تعالى على تفسك و جرب تحس .. !!
ها .. حسيت .. !!
حسيت ايه بقى .. !!
!!!!!!!!
محستش حاجة خالص .. خااااااااالص !؟؟؟؟؟
يعنى انت مش حاسسنى و مش سامعنى و مش شايفنى ... !!
يبقى دة اسمه ايه .. !!
يا اما انا مش موجود اصلا .. او انك مش طايقنى !!
مفيش تفسير غير كدة .. !!
صح !؟ .. مش كدة .. !؟
يمكن انا فعلا ميت .. !! .. او بالنسبة لك ميت .. !! .. بس انا مش ميت .. اصلى بحس .. و اللى يحس ميبقاش ميت .. طيب ممكن لو انت شايفنى ميت او عايزنى ميت تعّرفنى عشان متعبش نفسى اكتر من كدة ..
او الابسط من كدة .. جرب تعاتبنى .. !!
او ابقى ارمى السلام و بلاش تعمل مش شايفنى .. !!
و لا اقولك .. بلاها السلام .. و بلاها الكلام .. اصله لو كان يفرق كنت قولتهولك و مكنتش كتبته متدارى عنك .. و لو جاب نتيجة و دة ماعتقدش انه يحصل مش هيقللك و مش هيزودنى ..
و عموما الحمد لله ربنا بعتلى اللى يغنينى عنك و عن كل اللى زيك .. ربنا يخلهالى و لا يحوجنى لحد فى الدنيا غيرها .. ست البنات
طيب هكتبه ليه و انا عارف ان محدش هيقراه .. !!
هكتبه عشان كلام لازم يتقال .. عشان افضفض عن اللى جوايا لو حتى بفضفض لنفسي و خلاص .. مع انى عارف انه كلام زى قلته لأنه مش هيفرق فى حاجة .. لا حد هيقراه و لا حد هيشوفه و لا هيسمع عنه و لا هيعمل .. و لا حتى هيحسه .. ما هو لو كان حد حسه مكنش بقى دة حالى .. !!
قُصر الكلام ..
من غير لف و دوران و من غير كلام كتير .. هسألك مجرد سؤال .. ليه عامل نفسك مش شايفنى .. !!
اصل انا مش شفاف .. !! .. و لا حتى جسمى قليل .. و لا انا ساكن بعيد .. دة انا بينى و بينك كام متر .. و لا رقمى سرى .. و لا طبعى غريب .. مش هاقولك رن رنة او اسأل عليا .. و لا هاقولك عشرة السنين و الكلام اللى انت شايفه فاضى دة .. و لا هاقولك عدى عليا نشرب كوباية شاى .. و لا هاقولك حطنى فى حساباتك .. و لا هاقولك حتى اقرأ الكلام .. بس و انت ماشى ابقى ارمى السلام .. !!
يا عم دة السلام لله .. !!
بلاش دى .. يمكن السلام تقيل عليك .. معذور برضه .. لسة هتقول " السلام عليكم و رحمـ .. " .. ياااااه .. دى جملة طويلة قوى فعلا .. !!
عندك حق .. انا ظلمتك .. !!
طيب خليك حسيس لما ابقى عينى فى عينك و بينى و بينك ميجيش نصف متر .. قول اى كلام .. اى رغى و السلام .. !!
بلاش تتكلم برضه عشان متتعبش .. مش عايز اتقل عليك .. !!
اقولك !؟
لما اتكلم انا .. ابقى رد عليا .. سهلة دى !؟ .. سهلة والله قوى .. !!
صعبة !؟ .. صح عندك حق .. هترد ازاى و انت اصلا مش سامعنى .. !!
طيب ما تجرب تسمعنى .. !!
صعبة برضه !؟؟؟؟؟
طيب ليه صعبة .. جرب بس تسمعنى مش هتخسر حاجة .. لو قلت حاجة مفيدة اديك استفدت .. و لو قلت حاجة هايفة اعمل نفسك بتضحك .. !!
مش عايز تضحك !؟؟؟
ما انا ببقى شايفك من بعيد بتتكلم و بتضحك و عادى .. اشمعنا لما اكون موجود يعنى .. !!
يمكن انا اللى كئيب برضه .. !!
طيب بلاش تضحك و بلاش تسمع و بلاش تتكلم .. جرب تحس .. !!
معلش .. تعالى على تفسك و جرب تحس .. !!
ها .. حسيت .. !!
حسيت ايه بقى .. !!
!!!!!!!!
محستش حاجة خالص .. خااااااااالص !؟؟؟؟؟
يعنى انت مش حاسسنى و مش سامعنى و مش شايفنى ... !!
يبقى دة اسمه ايه .. !!
يا اما انا مش موجود اصلا .. او انك مش طايقنى !!
مفيش تفسير غير كدة .. !!
صح !؟ .. مش كدة .. !؟
يمكن انا فعلا ميت .. !! .. او بالنسبة لك ميت .. !! .. بس انا مش ميت .. اصلى بحس .. و اللى يحس ميبقاش ميت .. طيب ممكن لو انت شايفنى ميت او عايزنى ميت تعّرفنى عشان متعبش نفسى اكتر من كدة ..
او الابسط من كدة .. جرب تعاتبنى .. !!
او ابقى ارمى السلام و بلاش تعمل مش شايفنى .. !!
و لا اقولك .. بلاها السلام .. و بلاها الكلام .. اصله لو كان يفرق كنت قولتهولك و مكنتش كتبته متدارى عنك .. و لو جاب نتيجة و دة ماعتقدش انه يحصل مش هيقللك و مش هيزودنى ..
و عموما الحمد لله ربنا بعتلى اللى يغنينى عنك و عن كل اللى زيك .. ربنا يخلهالى و لا يحوجنى لحد فى الدنيا غيرها .. ست البنات
