بلد ماشية بضهرها

فى الوقت اللى الحكومة اعتبرت الفيديو - اللى ظهر فيه الضابط محمود الشناوى و هو بيصيب عيون شباب مصر - انه ملفق ..
اعتبروا شهادة حنان خواسك - اللى شافت علاء عبد الفتاح بيسرق اسلحة من عربيات الجيش و هى على كوبرى 6 اكتوبر - انها ادلة دامغة

شاهد فيديو الضابط محمود الشناوى اللى اعتبرته الحكومة ملفق

شاهد و اقرأ مقال حنان خواسك اللى اعتبرته الحكومة دليل دامغ و ادانت بيه علاء عبد الفتاح - طبعا بعد مسحه من
الارشيف
http://www.facebook.com/note.php?note_id=308830859144551


 _________________________________________________


فى السنة اللى شعب مصر اختار فيها الفستان البمبى فى عز رمضان .. و طلع المركز الرابع فى البحث عن الجنس فى جوجل
نفس الشعب اختار فيها السلفيين للتواجد فى برلمان الثورة

_________________________________________________


فى الوقت اللى بنقول هنشكل برلمان ثورى هيحدد ملامح مصر لخمسين سنة قدام ..
كان الاخوان بيوزعوا شاى و سكر على الناخبين  .. و السلفيين بيقولوا هنهد الاهرامات و نمنع البيكينى .. و الباقيين بيقولوا هنبنيلكوا مستشفى و جامع

___________________________________________________




فى السنة اللى مات و اصيب فيها اكتر من الف شاب من خيرة شباب مصر عشان مصر تعيش .. و الناس فقدت بصرها فى التحرير
طلع لينا سبايدر و عمرو مصطفى يغنوا فى العباسية للى قتلوهم

__________________________________________________


فى الوقت اللى صرح فيه الشيخ محمد حسان انه مش هيرشح نفسه للبرلمان و انه لا ينتمى لأى حزب
لقينا صوره متعلقة مرة تبع حزب النور و مرة تبع الحرية و العدالة

__________________________________________________________



فى السنة اللى قلنا فيها اول برلمان مصرى حر نزيه بعيد عن التزوير
 مصطفى بكرى - احد الفلول - ينجح من اول مرة و بدون اعادة مع انه مكنش صاحب اعلى نسبة اصوات

اه يا مراااااااااااااااااااااارى