من كلمات هشام الجنيدى

الغباوة هية هية ...
والكلام مبقاش يفيد ...
والايادي مش خفية ...
واللي حاصل مش جديد ...

اللي في الميدان صحاب ...
واللي موتهم كلاب ...
واللي ساكتين دول عبيد ...
للبيادة العسكرية ..!!!





نفس الوحوش اللي كانت زمان
في قلب الميدان ...
بتحلف بدم اللي مات مننا ...
نفس الوشوش اللي كانت عنيا بتهوى رؤاهم ...
وبهتف وراهم ...
عشان حقنا ...
والله زمان يا ميداني ومكاني
وكياني وبلادي ...
والله زمان يا عنادي و جهادي ...
والله زمان يا انتصاري و ميلادي ...
والله زمان يا اتحاد الايادي ...
والله زمان يا برودة كفوفي ...
يا صاحبي اللي جنبي اللي نساني خوفي ...
و والله زمان يا فجر البلد دي ...
يا حلمي يا وردي ...
اللي دعيت بيه في وقت الآدان ...!!!



صفحة الشاعر هشام الجنيدى
_________________________________________________________________